Datrys anghydfodau masnachol
Bwriad ein tîm ymgyfreitha yw cynorthwyo cleientiaid i ddod o hyd i’r datrysiad masnachol gorau i anghydfod.
Caiff dros 95% o anghydfodau eu datrys trwy drafod neu trwy ryw fath o drefniant wedi’i gyfryngu. Fodd bynnag, os nad oes modd cael trefniant boddhaol neu os nad oes ateb arall, gallwn eich sicrhau y byddwn yn ymdrechu’n galed er mwyn llwyddo drosoch chi.
Arweinir ein gwasanaeth ymgyfreitha a datrys anghydfodau gan bartneriaid sydd â phrofiad helaeth o ddelio ag anghydfodau masnachol.
Anghydfodau masnachol/busnes
Cynigiwn ystod eang o brofiad ac rydym yn cynghori ar bob math o anghydfodau masnach a busnes, gan gynnwys y canlynol:
- Cytundebau (personol a busnes)
- Esgeulustod proffesiynol gan gynnwys hawliadau yn erbyn cyfreithwyr, cyfrifwyr a phenseiri
- Banciau a sefydliadau ariannol eraill
- Anghydfodau ynglyn ag adeiladu, gan gynnwys cyflafareddu a dyfarnu
- Ymgyfreitha rhyddfraint, gan gynrychioli’r rhyddfreiniwr yn ogystal â’r deiliad rhyddfraint
- Partneriaethau
- Cyfranddalwyr
- Ymddiriedolaethau/profiant
- Asiantaethau
- Camwedd ac ecwiti cyffredinol
- Hawliadau cyfraith gyhoeddus e.e. camwaith a thorri dyletswydd statudol
- Cyflafareddu a chyfryngu
- Atebolrwydd cynnyrch
- Gorfodebion / gwaharddebau
- Tribiwnlysoedd
- Materion hawliau dynol
- Cwynion i ombwdsmyn a chyrff proffesiynol
- Archwiliadau, cyfweliadau ac erlyniadau gan Asiantaeth yr Amgylchedd, Safonau Masnach, Adran Weithredol Iechyd a Diogelwch, DEFRA, Adrannau Iechyd yr Amgylchedd a’r Comisiynydd Cludiant
Enghreifftiau o achosion diweddar:
- Gweithredu mewn anghydfod rhwng cyfranddalwyr
- Datrys anghydfod cymhleth ynghylch partneriaeth broffesiynol heb orfod mynd i’r llys
- Gweithredu ar ran deiliad rhyddfraint mewn anghydfod uchel ei werth â’r rhyddfreiniwr, yn ymwneud â difenwi a phroblemau ynghylch honiadau ffug
- Cynrychioli is-gontractwr yn llwyddiannus parthed anghydfod adeiladu a ddatryswyd trwy ddyfarniad
- Amddiffyn hawliad yn erbyn dau gyfarwyddwr cwmni am dorri dyletswyddau ymddiriedol, a’i ddatrys yn llwyddiannus
Anghydfodau eiddo
- Rydym wedi gweithio mewn nifer o achosion o herio adnewyddiad prydles o dan Ddeddf Landlord a Thenant 1954 yn ogystal â delio’n rheolaidd â phob math o anghydfodau rhwng landlordiaid masnachol a thenantiaid megis dadfeiliadau, problemau fforffedu ac anghydfodau ynghylch hysbysiadau.
- Cynrychioli prynwr a lwyddodd i ddiddymu contract i brynu ty ar ôl darganfod bod y prynwr wedi methu â datgelu gwybodaeth berthnasol.
- Profiad helaeth o ddelio ag anghydfodau mewn llysoedd, gerbron Barnwr y Gofrestrfa Tir yn ogystal â’r Tribiwnlys Gwerthuso Tiroedd ynglyn â thiroedd, hawl tramwy, cyfamodau cyfyngu a hawliau eraill dros dir neu’n effeithio ar dir.
- Gweithio dros werthwr i adennill £100k o iawndal yn sgil tân ar ôl i’r landlord ganiatáu gweithwyr a oedd yn trwsio’r to i weithio heb yswiriant, gan ddefnyddio arferion anniogel.
