Pobl
Kempton Rees
- DDI: 029 2082 9125
- krees@darwingray.com
- Cymhwyso
- 1995
- Addysg
Perse School, Caergrawnt
Prifysgol Rhydychen (St Peter’s College)
Coleg y Gyfraith, Efrog
Er iddo fwynhau gweithio mewn het galed, daeth i sylweddoli’n fuan, yn awyrgylch ymfflamychol y safle adeiladu, mai’r hyn yr oedd yn ei fwynhau’n bennaf oll oedd dadl danbaid.
Ar ôl dwy flynedd yn Ysgol y Gyfraith, ymunodd Kempton â chwmni o bwys yn Ninas Llundain, lle cwblhaodd ei hyfforddiant cyfreithiol ffurfiol. Ar ôl cymhwyso’n gyfreithiwr, dychwelodd at ei wreiddiau yng Nghaerdydd, lle’r ymunodd â Geldards LLP yn gynorthwyydd yn ei Adran Datrys Anghydfodau Masnachol. Fe’i gwnaethpwyd yn bartner yn Geldards yn 2003 ac aeth ymlaen i arwain timoedd methdaliad a throsedd a rheoleiddio corfforaethol y cwmni, yn ogystal ag ymgymryd ag achosion cynhennus amrywiol.
Ymunodd Kempton â Darwin Gray yn ystod haf 2008.
Mae Kempton yn adnabyddus yn ardal De Cymru a Gorllewin Lloegr am ei brofiad datrys anghydfod a’i arbenigedd mewn methdaliad. Mae’n gwasanaethu fel aelod o’r pwyllgor rhanbarthol ar gyfer y gymdeithas methdaliad, R3.
Fe’i cydnabyddir yn gyfreithiwr blaenllaw yng Nghymru, yn y Legal 500 a chyhoeddiadau’r Siambrau a Phartneriaid. Yn ôl ei gleientiaid, mae’n “graff a hyderus” a chaiff glôd arbennig am ei barodrwydd “i ddefnyddio dulliau hyblyg”.
Enghreifftiau o waith a gyflawnwyd
Datrys Anghydfodau Masnachol
Ymgyfreitha masnachol cyffredinol, yn cynnwys:
- Hawliadau contractau
- Anghydfodau partneriaethau
- Esgeulustod proffesiynol
- Anghydfodau ymddiriedolaeth/profiant
- Anghydfodau adeiladu
- Anghydfodau asiantaethau
- Atebolrwydd cynnyrch
- Gwaharddebau/gorfodebau
- Atebolrwydd cyfarwyddwr a hawliadau cyfranddalwyr
- Hawliadau camwedd ac ecwiti cyffredinol
- Hawliadau cyfraith gyhoeddus (camwaith, torri dyletswydd statudol etc)
- Cyfryngu
- Tribiwnlysoedd
- Cyflafareddu
- Cwynion i ombwdsmyn a chyrff proffesiynol
- Hawliadau hawliau dynol
- Cynghori a chynrychioli cleientiaid i’w hamddiffyn mewn pob math o archwiliadau, cyfweliadau ac erlyniadau rheoliadol, gan gynnwys y rheini a gyflwynwyd gan Asiantaeth yr Amgylchedd; Safonau Masnach; Swyddfa Weithredol Iechyd a Diogelwch; DEFRA; Adrannau Iechyd yr Amgylchedd; a’r Comisiynydd Cludiant.
- Paratoi a gweithredu protocol parod ei ddefnyddio i gynghori cleientiaid ar gyrchoedd gyda’r wawr gan y Comisiwn Cystadleuaeth.
- Mae wedi cynghori ymarferwyr methdaliad ar holl agweddau methdaliad corfforaethol, gan gynnwys gweinyddwyr, datodiadau a derbynyddiad
- Gweithio dros ac yn erbyn cyfarwyddwyr cwmniau methdaliadol o ran eu dyletswyddau ymddiriedol a’u trafodion blaenorol
- Profiad helaeth o gynghori ymarferwyr methdaliad ac unigolion preifat ar yr holl faterion sy’n deillio o fethdaliad personol
Pan nad yw’n brwydro dros ei gleientiaid neu’n treulio amser gyda’i deulu, mae Kempton yn gwneud gwaith gwirfoddol i Ymddiriedolaeth y Tywysog ac mae wrthi’n dysgu Cymraeg ar hyn o bryd. Mae hefyd yn mwynhau canu gyda chôr Gleision Caerdydd, chwarae golff, gwylio rygbi a hedfan am ddigon o oriau er mwyn cadw ei drwydded beilot.
