02920 829 100 
Mae Sports Direct yn gweithredu ar gontractau dim oriau
Tachwedd 12
Fel rhan o setliad y cytunwyd arno y tu allan i'r llys, mae Sports Direct wedi cytuno i ailysgrifennu ei gontractau cyflogaeth a hefyd ei hysbysebion swyddi er mwyn ei gwneud yn glir nad yw gweithwyr dim oriau yn warant o waith. Bydd hefyd yn rhoi polisïau clir i staff ar sut mae contractau dim oriau yn effeithio ar eu tâl salwch a’u hawl i wyliau. Bydd hyn yn effeithio ar dros 20,000 o staff Sports Direct.
Er nad oedd hyn o ganlyniad i ddyfarniad llys yn erbyn y cwmni, mae'r achos yn dangos bod camau'n parhau i gael eu cymryd yn erbyn defnyddio cytundebau dim oriau.
Yn y cyfamser, mae ymgynghoriad gan y Llywodraeth ar y pwnc bellach wedi dod i ben. Gofynnodd yr ymgynghoriad am awgrymiadau ar sut i atal cyflogwyr rhag dod o hyd i fylchau yn ei waharddiad ar gymalau detholusrwydd mewn contractau dim oriau. Mae cymalau detholusrwydd yn golygu na chaniateir i weithwyr weithio i unrhyw un arall, hyd yn oed os nad ydynt yn cael unrhyw oriau gan eu cyflogwr. Cyhoeddwyd ym mis Mehefin y byddai'r defnydd o'r cymalau hyn yn cael ei wahardd er mwyn diogelu gweithwyr.
Daeth y cyfnod ymgynghori i ben ar 3 Tachwedd a disgwylir i'r canlyniadau gael eu cyhoeddi'n fuan.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
