02920 829 100 
Blog: Digwyddiad perchnogaeth busnes 'Owning it' Hydref 2018 - Tegen Quinn
Hydref 15, 2018
Crëwyd y digwyddiad fel rhan o’n Tîm Corfforaethol a Masnacholrôl fel cadeirydd rhanbarthol ar gyfer grŵp EWIF (Annog Menywod i Fasnachfreinio) yng Nghymru a De Orllewin Lloegr sy’n dathlu ei 10fed flwyddyn. Wedi’i ysbrydoli gan ddathliadau grŵp EWIF, canolbwynt y digwyddiad oedd ysbrydoli myfyrwyr i berchenogi busnes, gyda ffocws ar fasnachfreinio fel llwybr i berchnogaeth busnes ac i dyfu busnes.
Roeddem wedi bod yn edrych ymlaen yn fawr at y digwyddiad hwn. Roedd Prifysgol Caerdydd yn hynod gefnogol ac yn ymwneud â’r digwyddiad hwn fel y cyntaf o’i fath iddyn nhw a’u myfyrwyr. Roedd y digwyddiad yn llwyddiant ysgubol a chroesawodd gynulleidfa eang o fyfyrwyr i rai o'r gymuned fusnes leol.
Ein siaradwyr ar gyfer y noson oedd Adie Luff o’r fasnachfraint fyd-eang Toni a Guy a siaradodd am greu a hyrwyddo brand ac ennyn diddordeb eich gweithwyr i deimlo’n angerddol am y brand hwnnw. Siaradodd Rachael Flanagan, sylfaenydd Mrs Bucket arobryn am ei stori am entrepreneuriaeth ifanc lwyddiannus a’r gwersi a ddysgwyd ar hyd y ffordd a siaradodd Clive Sawyer, ymgynghorydd busnes a sylfaenydd EWIF am y manteision a’r anfanteision sy’n gysylltiedig â gwahanol fathau o berchenogaeth busnes.
Roedd pob siaradwr yn hynod angerddol ac ysbrydoledig ac roedd yr adborth gan y gynulleidfa yn hynod gadarnhaol. Roedd yna hefyd banel Holi ac Ateb gyda’n siaradwyr, gyda David Fisher o Busnes Cymru a Peter Howe o NatWest yn ymuno â nhw.
Daeth y digwyddiad i ben gyda sgwrs bellach a rhwydweithio ochr yn ochr â chwrw a pizza. Roedd llwyddiant y digwyddiad yn amlwg o’r bwrlwm yn yr ystafell a’r ymgysylltu parhaus ymhell ar ôl i’r sgyrsiau swyddogol ddod i ben.
Roedd yn gyfle gwych i ni yn Darwin Gray i gynnal y digwyddiad hwn a hyrwyddo llwybr entrepreneuriaeth. Os ydych chi eisiau archwilio opsiynau perchnogaeth busnes, gan gynnwys fel darpar ddeiliad masnachfraint neu fasnachfreinio eich busnes presennol, byddai ein tîm Corfforaethol a Masnachol wrth eu bodd yn sgwrsio â chi.
- Tegen Quinn, Cydymaith
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
