02920 829 100 
Rhy boeth i weithio? – Canllaw i gyflogwyr
Mehefin 25, 2018
Ond beth yw dyletswydd cyflogwr i'w staff mewn amodau mor boeth, a sut y gallant annog gweithwyr i roi o'u gorau tra bod yr haul yn gwenu?
Mae ein harbenigwyr mewn cyfraith cyflogaeth ac AD wedi amlinellu eu prif awgrymiadau…
1. Ydy hi byth yn rhy boeth i weithio? - Nid yw'r gyfraith yn gosod trothwy tymheredd penodol ar gyfer yr amgylchedd gwaith. Yn hytrach, yn ôl Rheoliadau Gweithle (Iechyd, Diogelwch a Lles) 1992, rhaid i gyflogwr sicrhau bod tymheredd gweithle yn “rhesymol”. Os nad yw’r tymheredd felly’n “rhesymol”, mae’n bosib i staff ddadlau nad oes disgwyl iddyn nhw weithio mewn amgylchiadau o’r fath.
Mae’r gair “rhesymol” wrth gwrs yn hynod amwys, ac mae’n debygol y bydd synnwyr cyffredin yn chwarae rhan fawr wrth asesu a yw gweithle yn rhy gynnes i staff. O safbwynt cyflogwr, gall systemau awyru, gwyntyllau, a chau bleindiau o'r haul fod yn ddefnyddiol iawn.
2. Gweithio y tu allan – Os disgwylir i staff weithio y tu allan mewn tywydd poeth iawn, disgwylir i gyflogwr gynnal asesiad risg addas. Gallai hyn gynnwys argymell bod staff yn gwisgo dillad priodol ac eli haul, neu fod cyfnodau o seibiant rheolaidd a rhywle i gysgodi rhag yr haul.
3. Dŵr yfed – Os yw’r tywydd yn boeth iawn, byddai’n arfer da i gyflogwyr ddarparu dŵr yfed oer i’w staff.
4. Ymlacio'r cod gwisg – Er nad yw fflip-flops yn debygol o fod yn briodol, gallai cyflogwyr lacio’r disgwyliad i wisgo siaced a thei mewn amodau poeth iawn.
5. Gweithio hyblyg – Arfer da arall i gyflogwr fyddai caniatáu i bobl addasu eu horiau gwaith dros dro neu gyflwyno polisi gweithio o gartref er mwyn osgoi’r angen i weithio neu deithio i’r gwaith yn ystod yr adegau cynhesaf o’r dydd. Fodd bynnag, dylai cyflogwyr fod yn ofalus i gynnal cysondeb yn hyn, gan y byddai angen iddynt osgoi unrhyw feirniadaeth o ffafriaeth tuag at rai staff dros eraill.
6. Staff sy'n Agored i Niwed – Gyda rhai aelodau o staff mwy agored i niwed, gan gynnwys y rhai sy’n dioddef o anableddau, y rhai sy’n feichiog, neu’r rhai sy’n ymprydio fel rhan o’u crefydd, gallai tywydd poeth iawn gyflwyno heriau pellach. Disgwylir felly i gyflogwyr gynnal asesiad risg a gwneud addasiadau dilynol i rolau staff sy'n agored i niwed pan fydd y tywydd yn cyflwyno rhwystrau ychwanegol i'w gwaith i'r gweithwyr hyn.
Os hoffech siarad â rhywun ar y pwnc hwn, cysylltwch ag un o'n harbenigwyr, gan ddefnyddio'r ffurflen gyswllt, neu drwy 029 2082 9100, i weld sut y gallwn ni eich helpu chi a'ch busnes.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
