02920 829 100 
Galwadau am wythnosau gwaith 4 diwrnod i fod yn safonol
Medi 25, 2018
Mae Frances O’Grady, ysgrifennydd cyffredinol y TUC, wedi dadlau o blaid cynnydd yn y defnydd o dechnoleg newydd fel awtomatiaeth a roboteg, a allai arwain at ostyngiad mewn oriau gwaith a chynnydd mewn cyflogau. Mae’r TUC yn honni y gallai’r dechnoleg leihau llwythi gwaith trwm a hybu morâl a chynhyrchiant yn y gweithle.
Amcangyfrifir ar hyn o bryd bod 5 miliwn o bobl yn gweithio 7 awr o oramser di-dâl bob wythnos ar gyfartaledd. Ar gyfer gweithwyr ar gyflogau blynyddol, mae’r rhan fwyaf o oramser yn ddi-dâl gan fod contractau cyflogaeth yn gyffredinol yn nodi y gellir ei gwneud yn ofynnol iddynt weithio oriau ychwanegol rhesymol heb dâl (ar yr amod y cydymffurfir â’r isafswm cyflog).
O dan Reoliadau Oriau Gwaith 1998, ni ddylai fod yn ofynnol i gyflogeion weithio mwy na 48 awr yr wythnos (dros 12 wythnos ar gyfartaledd) oni bai eu bod yn cydsynio’n benodol i optio allan o’r gofyniad hwn.
Fodd bynnag, amcangyfrifir o hyd bod 1.4 miliwn o bobl yn gweithio 7 diwrnod yr wythnos.
Mae’r galwadau newydd gan y TUC yn unol ag arferion newydd cynyddol boblogaidd ymhlith cyflogwyr mwy gan roi mwy o hyblygrwydd i’w staff weithio fel y gwelant yn dda. Er enghraifft, fe wnaeth y cawr cyfrifeg PWC y penawdau fis diwethaf ar ôl cyhoeddi y byddai’n rhoi’r hawl i rai o’i recriwtiaid newydd benderfynu ar eu horiau gwaith eu hunain cyn dechrau gweithio.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
