02920 829 100 
Sefydlu eich e-fasnach neu farchnad ar-lein eich hun? – Materion cyfreithiol allweddol
Awst 13, 2019
Mae siopwyr yn defnyddio'r rhyngrwyd ac apiau ffôn symudol yn gynyddol yn hytrach na delio'n uniongyrchol â manwerthwyr. Mae'r defnydd o farchnadoedd ar-lein yn dod â brandiau, siopau a bwytai ynghyd ac mae eu defnydd wedi cynyddu'n sylweddol yn y blynyddoedd diwethaf. Yr ydym oll wedi gweld dirywiad graddol y stryd fawr o blaid siopa ar y rhyngrwyd a ffonau symudol.
Os ydych yn bwriadu dechrau busnes marchnad ar-lein mae angen i chi fod yn ymwybodol o'r ystod o faterion cyfreithiol a fydd yn effeithio ar eich busnes:
Dylai eich gwefan arddangos eich polisi preifatrwydd, a bydd angen iddo gydymffurfio â GDPR. Yn ogystal, bydd angen i'ch gwefan arddangos eich polisïau sy'n ymwneud â chwcis a hefyd defnydd derbyniol. Hefyd, os ydych yn caniatáu cynnwys a gynhyrchir gan ddefnyddwyr, yna dylech arddangos y polisi hwnnw hefyd.
Bydd angen i chi fod yn ofalus ynghylch sut rydych yn casglu ac yn prosesu data personol, yn enwedig wrth werthu i ddefnyddwyr. Os ydych chi'n mynd ati i werthu i blant bydd angen i chi gymryd gofal arbennig. Bydd angen i chi hefyd sicrhau bod gennych bolisïau mewnol priodol ar waith.
Mae gwerthu ar-lein i ddefnyddwyr yn golygu y byddwch yn destun ystod o gyfreithiau diogelu defnyddwyr. Bydd yn rhaid i chi arddangos gwybodaeth glir am brisio, ansawdd, ad-daliadau, cansladau a dychweliadau ar eich gwefan. Gall methu â chydymffurfio â chyfreithiau diogelu defnyddwyr arwain at hawliadau cyfreithiol, erlyniad a dirwyon.
Mae'n bwysig eich bod yn defnyddio telerau gwerthu sydd wedi'u drafftio'n broffesiynol wrth werthu nwyddau a gwasanaethau. Mae hyn nid yn unig i sicrhau eich bod yn cydymffurfio â chyfreithiau diogelu defnyddwyr, ond hefyd i ddiogelu eich busnes os cewch eich erlyn gan gwsmer. Dylai eich telerau gwerthu gynnwys cyfyngiadau priodol ar atebolrwydd a hefyd ymwadiadau. Bydd y ddau o'r rhain yn lleihau risg eich busnes yn sylweddol.
Mae’n debygol bod nifer o bobl wedi bod yn rhan o ddatblygiad eich busnes. Gall y rhain gynnwys datblygwyr gwe, ymgynghorwyr marchnata, ysgrifenwyr copi a'ch cyflogeion eich hun. Mae’n bosibl iawn bod pob un o’r bobl hynny wedi creu hawliau eiddo deallusol (IPR) sy’n cael eu defnyddio yn eich busnes. Byddwch am sicrhau na fydd yr un ohonynt yn cadw hawliau perchnogaeth i’r IPR hwnnw.
Bydd angen i farchnata ar-lein gydymffurfio â GDPR a bydd angen i chi sicrhau eich bod yn deall eich hawliau a'ch rhwymedigaethau cyfreithiol yn y maes hwn.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
