02920 829 100 
Datgelu y rhai sydd wedi cyrraedd rownd derfynol Gwobrau AD Cymru 2019
Ionawr 24, 2019
Lansiwyd yn 2017 gan yr asiantaeth recriwtio flaenllaw Acorn a chwmni cyfraith fasnachol Darwin Gray, bydd y Gwobrau’n gweld 350 o weithwyr proffesiynol AD yn ymgynnull yng Ngwesty’r Exchange yng Nghaerdydd ar gyfer seremoni tei du ddisglair i ddathlu llwyddiant 34 o ymgeiswyr terfynol a darganfod a ydynt wedi cael eu dewis i dderbyn un o wobrau nodedig y noson. Cyhoeddwyd sawl categori newydd ar gyfer 2019, gan gynnwys ‘Y Fenter AD Orau’.
Mae'r Gwobrau, sy'n cael eu cynnal gan Sian Lloyd o'r BBC, yn cydnabod y gweithwyr AD proffesiynol gorau ar draws amrywiaeth o ddiwydiannau - gan arddangos yr unigolion a'r timau rhagorol fel y goreuon ym maes adnoddau dynol, dysgu a rheoli pobl ledled Cymru yn y 12 mis diwethaf. Ymhlith yr enillwyr blaenorol mae Tai Tarian, Circle IT, Menter a Busnes, Cymdeithas Adeiladu’r Principality a Choleg Gŵyr Abertawe.
Cyhoeddir yr enillwyr yn y seremoni wobrwyo ar 22ain Mawrth, a fydd yn cynnwys prif siaradwr ysbrydoledig Bafta a’r gyflwynwraig deledu arobryn, Lowri Morgan.
Yn cloi'r dathliadau bydd adloniant gan y band Roc 'n' Roll Rocket Joe Joe - gyda mwy o syrpreisys trwy gydol y noson.
Dywedodd Maria Larcombe, Cyfarwyddwr Gweithrediadau Acorn: “Mae Gwobrau AD Cymru yn llwyfan gwych i gydnabod angerdd a phroffesiynoldeb talent AD yng Nghymru. Rydym wedi bod wrth ein bodd gyda nifer y ceisiadau, ac mae ansawdd rhagorol y gwaith a arddangoswyd wedi gwneud y broses feirniadu yn anodd iawn. Rydym yn dymuno pob lwc i bob un o’n cystadleuwyr rhagorol yn y rownd derfynol ac yn edrych ymlaen at ddathlu llwyddiant pawb ar 22 Mawrth.”
Darwin GrayPennaeth Cyfraith Cyflogaeth ac Adnoddau Dynol Fflur Jones Ychwanegodd: “Rydym wedi cael ein syfrdanu gan geisiadau eleni, gydag enwebiadau dosbarth cyntaf yn dod o bob rhan o Gymru mewn ystod eang o ddiwydiannau. Mae wedi bod yn wych gweld ceisiadau’n dod i mewn o Ogledd a Gorllewin Cymru, ac mae’n destament gwirioneddol i ddylanwad cynyddol y Gwobrau fel digwyddiad blaenllaw blynyddol Rhwydwaith AD Cymru. Dylai pob un o’n cystadleuwyr yn y rownd derfynol fod yn falch iawn o’u cyflawniad wrth gyrraedd y rhestr fer”.
Mae gwobrau ar gael yn cynnwys Tîm AD y Flwyddyn, Defnydd Gorau o’r Iaith Gymraeg mewn AD, Ymgynghorydd AD Annibynnol y Flwyddyn, Cyfarwyddwr AD y Flwyddyn a Phrentis/Hyfforddai AD y Flwyddyn, gyda’r holl enillwyr yn cael eu dewis gan banel o gweithwyr proffesiynol y diwydiant. Bydd y wobr Seren AD hefyd yn cael ei dewis gan y beirniaid o blith yr enillwyr rhagorol.
Bydd gwerthiant tocynnau yn agor yn fuan – dilynwch @WalesHRNetwork am y diweddariadau diweddaraf – nifer cyfyngedig o docynnau sydd ar gael, felly archebwch yn gynnar i osgoi cael eich siomi.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
