02920 829 100 
A ddylai feganiaeth gael ei diogelu gan Ddeddf Cydraddoldeb 2010?
Ionawr 2, 2020
Mae’n honni iddo gael ei ddiswyddo oherwydd iddo ddatgelu bod ei gyflogwr yn buddsoddi cronfeydd pensiwn mewn cwmnïau sy’n ymwneud â phrofion anifeiliaid, yn groes i’w gredoau cryf ynghylch hawliau anifeiliaid. Fodd bynnag, mae ei gyflogwr blaenorol yn nodi iddo gael ei ddiswyddo am gamymddwyn difrifol.
Yn y gwrandawiad cychwynnol hwn, ni fydd y Tribiwnlys ond yn penderfynu a fydd yr achos yn cael ei symud ymlaen. Er mwyn symud ymlaen i wrandawiad terfynol, bydd angen profi bod credoau’r cyflogai am feganiaeth yn bodloni’r meini prawf llym ar gyfer diogelu “credoau athronyddol” o dan Ddeddf Cydraddoldeb 2010 ac nad dewis ffordd o fyw yn unig ydyn nhw a/neu barn gref.
Er y gallai gweithiwr ddisgrifio’i hun fel fegan, ni fydd bob amser yn glir a yw’n “fegan dietegol” (rhywun sy’n bwyta diet sy’n seiliedig ar blanhigion am resymau iechyd) neu’n “fegan moesegol” (person sy’n bwyta diet sy'n seiliedig ar blanhigion oherwydd eu cred athronyddol am amddiffyn anifeiliaid a'r amgylchedd). Byddai’r amddiffyniad rhag gwahaniaethu o dan y Ddeddf Cydraddoldeb ond yn cwmpasu’r rhai sydd â chredoau athronyddol cryf iawn sy’n ddigon “pwysol a sylweddol”, y gellir eu mynegi’n gydlynol ac a ystyrir yn “deilwng o barch mewn cymdeithas ddemocrataidd”. Ni fydd pob safbwynt a barn ar feganiaeth yn cyrraedd y trothwy hwn felly ni fydd yr achos hwn yn arwain at amddiffyniad cyffredinol rhag gwahaniaethu ar gyfer feganiaid.
Er mwyn lleihau’r risg o gamau cyfreithiol, dylai cyflogwyr ystyried y canlynol wrth ymdrin â chredoau cyflogeion yn y gweithle:
Arwain trwy esiampl a chreu amgylchedd cadarnhaol ar gyfer trafod credoau crefyddol a/neu athronyddol, gan ailadrodd ei bod yn bwysig parchu credoau pobl eraill.
Hyfforddwch eich staff ar eich safonau ymddygiad mewn perthynas â goddef gwahanol gredoau a pha gamau y gellir eu cymryd os nad yw ymddygiad staff yn bodloni'r safonau hyn.
Gwnewch yn siŵr bod gennych Bolisi Cyfle Cyfartal ysgrifenedig sy'n nodi'ch safbwynt ar atal agweddau ac ymddygiad gwahaniaethol, yn ogystal â sicrhau bod eich staff yn teimlo'n hyderus ynghylch cyfle cyfartal yn y gweithle.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
