02920 829 100 
Diogelu'ch busnes ar gyfer y dyfodol ar gyfer byd ôl-bandemig
Ebrill 27, 2020
Hyd yn oed os yw’ch gweithle ar gau ar hyn o bryd, neu os yw’ch cyflogeion yn gweithio gartref, yn cael budd o absenoldeb ffyrlo neu wedi cael eu diswyddo, mae camau y gallwch eu cymryd nawr a fydd o fudd i chi mewn amser i ddod:
Aseswch eich busnes
Aseswch eich busnes a'ch sefyllfa bresennol, ac adolygwch eich cryfderau a'ch gwendidau. Canolbwyntiwch ar y cryfderau hyn a gweithiwch ar eich gwendidau fel tîm, adran, a busnes yn ei gyfanrwydd.
Casglu a storio gwybodaeth a chudd-wybodaeth
Mae'n bwysig casglu, nodi a blaenoriaethu gwybodaeth sydd gennych am eich busnes, yn ogystal â rhai eich cleientiaid a'ch cwsmeriaid. Bydd hyn yn eich galluogi i ystyried sut y gallwch wasanaethu'ch cwsmeriaid yn well, gweithio'n fwy effeithlon trwy ddefnyddio'ch ffynonellau gwybodaeth mewn modd ymarferol, a mabwysiadu ymagwedd â mwy o ffocws at y gwasanaethau y gallwch eu darparu.
Dadansoddwch eich cystadleuwyr
Cadwch lygad ar eich cystadleuwyr. Adolygwch pwy sy'n ymddangos fel pe baent yn llwyddo, a'r rhai sy'n edrych fel eu bod yn methu. Ystyriwch pa gamau y maent yn eu cymryd, neu pa gamau y methodd eu cymryd, a dadansoddwch sut y gall eich busnes ffynnu drwy ddysgu o fethiannau pobl eraill.
Adnabod heriau
Nodwch yr heriau y gall, neu y bydd, eich busnes yn eu hwynebu yn y dyfodol agos. Rhagweld gwahanol senarios ac ystyried pob maes amhariad ac anhawster posibl o gadwyni cyflenwi, cystadleuaeth, gweithwyr, defnyddwyr, cwsmeriaid, cleientiaid, a'r farchnad gyffredinol. Cynlluniwch atebion yn erbyn pob senario posibl, gan gynnwys y gwaethaf y gallwch chi ei ddychmygu. Mae’n amhosibl rhagweld sut y bydd yr economi yn ymateb ar ôl y pandemig, ond nawr yw’r amser i baratoi er mwyn bod yn barod i wynebu unrhyw heriau y gallai eich busnes eu hwynebu.
Blaenoriaethu canlyniadau, a chynllunio ar gyfer twf
Mae’n bwysig bod yn glir gyda staff am y canlyniadau a ddisgwylir ganddynt, yn ogystal â gosod targedau â ffocws ar gyfer y busnes. Drwy ganolbwyntio ar ganlyniadau, gall busnesau addasu’r ffordd y maent yn cynllunio, blaenoriaethu, mesur ac adrodd ar eu methiannau a’u llwyddiannau. Ail-werthuso eich prosesau, gweithrediadau a llwyfannau ac ystyried beth oedd yn gweithio a beth nad oedd yn gweithio. Dysgwch o'ch camgymeriadau, a chynlluniwch i osgoi rhai tebyg yn y dyfodol.
Canolbwyntiwch ar lif arian
Dewch â'ch busnes yn ôl at ei elfennau sylfaenol o lwyddiant. Unwaith y byddwch wedi drafftio cyllideb addas sy’n ystyried pwysau a straen yr economi ôl-COVID-19, gweithiwch o fewn y gyllideb newydd honno. Sicrhewch fod gan gyfrifon banc eich busnes ddigon o hylifedd, gyda chyfleusterau gorddrafft yn eu lle lle bo angen. Dylai pob busnes wneud rhagolygon llif arian yn ogystal ag adolygu rhagamcanion llif arian bob wythnos. Mae’n bwysig edrych ymlaen dri mis i’r dyfodol, a bod yn ymwybodol o unrhyw daliadau treth neu TAW neu ffioedd sy’n ddyledus. Cofiwch geisio cyngor ariannol neu gyfreithiol os nad oes gan eich busnes sgiliau arbenigol yn y meysydd hyn.
Mae Llywodraeth y DU hefyd yn cynnig pecyn o atebion tymor byr a allai sefydlogi llif arian am gyfnod o amser. Gellir cael rhagor o wybodaeth yma:
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
