02920 829 100 
Neuadd Albert Abertawe a Dyfodol Datblygu Eiddo
Mehefin 12, 2020
Cafodd Newyddion Busnes Cymru sgwrs gyda Donald Gray, Cyn Bennaeth Eiddo Masnachol yn Darwin Gray, a Simon Baston, Cyfarwyddwr LoftCo a'r datblygwr sy'n gyfrifol am lawer o ailddatblygiadau adnabyddus fel y Tramshed, Pumphouse ac, yn fwyaf diweddar, Siediau nwyddau a Neuadd Albert Abertawe.
Mae LoftCo wedi bod yn arbenigo mewn trosi adeiladau hŷn at ddefnyddiau amgen dros nifer o flynyddoedd gan gynnwys llawer o adeiladau rhestredig. Yn cael ei defnyddio ddiwethaf fel Neuadd Bingo, mae Neuadd Albert Abertawe yn adeilad rhestredig Gradd II yng nghanol y ddinas. Dros y 18 mis nesaf, bydd yn cael ei drawsnewid yn lleoliad cerddoriaeth ac adloniant gyda bar ar y to, yn ogystal â swyddfeydd a fflatiau â gwasanaeth.
Dywedodd Simon Baston:
“Mae Loft Co yn falch o weithio ochr yn ochr â Chyngor Abertawe a Llywodraeth Cymru i adfywio’r strwythur rhestredig godidog hwn i ddod â menter newydd a arweinir gan y gymuned ar sail chwarae gwaith byw 24/7 i Ddinas Abertawe.”
Dywedodd Donald Gray:
“Mae Loft Co yn gleient hirsefydlog i ni, roedden ni’n falch o weithio gyda nhw, ochr yn ochr â Chyngor Abertawe a Llywodraeth Cymru i gaffael adeilad Neuadd Albert a’u cefnogaeth i warchod rhywfaint o dreftadaeth bensaernïol Abertawe.”
Mae llawer o ailddatblygiadau eiddo diweddar eisoes yn dangos tueddiadau yn nyfodol datblygu eiddo, gan ganolbwyntio ar werth mannau agored gyda phwyslais ar fannau awyr agored/dan do yn ogystal â swyddfeydd llai a chadwyni cyflenwi byrrach, gan gefnogi mwy o fusnesau lleol ac annibynnol.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
