02920 829 100 
Mae'r Gofrestrfa Tir yn Derbyn Llofnodion Electronig
Awst 6, 2020
Mae rheolau llym y bydd angen eu dilyn a bydd yn rhaid defnyddio llwyfan arwyddo electronig addas - fodd bynnag mae'n gam arwyddocaol y mae llawer yn teimlo ei fod wedi bod yn hen bryd cyflymu a symleiddio trafodion eiddo.
Mae'r Gofrestrfa Tir wedi nodi bod eu penderfyniad mewn ymateb uniongyrchol i'r anawsterau a achosir gan y cyfyngiadau symud coronafeirws o ran cael llofnodion 'inc gwlyb' ar ddogfennau cyfreithiol. Bydd llofnod electronig yn disodli'r angen i argraffu a llofnodi dogfen bapur gyda beiro, fodd bynnag erys y gofyniad i dyst fod yn bresennol yn gorfforol a chydlofnodi.
Mae'r cyhoeddiad hwn yn golygu bod dau ddull electronig bellach y gellir eu defnyddio ar gyfer dogfennau y mae angen eu cyflwyno i'r Gofrestrfa Tir.
Ym mis Mai cadarnhaodd y Gofrestrfa Tir y byddai'n derbyn gweithredoedd wedi'u llofnodi gan ddefnyddio'r dull 'Mercury' - sy'n dal i olygu bod angen argraffu a llofnodi'r dudalen llofnod mewn pen ym mhresenoldeb tyst, ond mae'n caniatáu i'r llofnodwr wedyn e-bostio llun neu gopi o'r dudalen wedi'i llofnodi at ei gyfreithiwr. Darwin Gray rydym wedi bod yn defnyddio'r dull Mercury i gwblhau trafodion yn llwyddiannus yn ystod y cyfnod clo a fyddai wedi cael eu gohirio'n sylweddol fel arall.
Er bod hyn i gyd yn gynnydd da, nid yw’n glir a yw’r naill na’r llall o’r uchod yn newidiadau parhaol neu a ydynt yma i’n helpu ni drwy’r cyfyngiadau symud yn unig. Y gobaith yw y bydd y Gofrestrfa Tir yn parhau i ddatblygu ac ehangu ei hymagwedd at drawsgludo digidol. Mae'r Gofrestrfa Tir wedi dweud eu bod yn ymchwilio i gyflwyno 'llofnodion electronig cymwys' a fyddai'n dileu'r angen am dyst. Wrth gwrs, dim ond pan fyddant yn hyderus bod y broses yn ddiogel a bod y risg o dwyll wedi'i lleihau y gallant wneud hyn - ond yn amlwg byddai gan hyn y potensial i helpu i wneud trafodion eiddo yn fwy effeithlon i bawb dan sylw.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
