02920 829 100 
Gweithio Hybrid: A yw Dyfodol y Gweithle yn Hyblyg?
Awst 5, 2021
Yn ôl yr astudiaeth, mae 47% o weithwyr bellach yn honni eu bod yn canolbwyntio llai ar yrfaoedd a 69% yn dweud y bydd gweithio hyblyg yn chwarae rhan bwysicach wrth wneud dewisiadau gyrfa. O ganlyniad, mae llawer o gyflogwyr bellach yn ystyried sut olwg fydd ar eu ffordd barhaol o weithio, gyda llawer yn dewis dull ‘hybrid’, gan gyfuno gweithio mewn swyddfa a gweithio gartref.
Mae'r astudiaeth a gynhaliwyd gan Aviva yn cadarnhau bod hoffterau ar gyfer dylunio patrymau gwaith hybrid yn amrywio'n sylweddol yn dibynnu ar sawl ffactor gan gynnwys oedran, rhyw a phersonoliaeth.
Nododd yr astudiaeth fod menywod yn sylweddol fwy tebygol o adrodd bod pandemig Covid-19 wedi cael effaith negyddol ar eu cydbwysedd bywyd a gwaith (24% o’i gymharu â 16% o ddynion). Mae hyn yn debygol o fod oherwydd y ffaith bod menywod, sydd yn aml â rolau gofal sylfaenol ar gyfer eu plant neu eu rhieni, wedi bod yn ei chael yn fwy anodd cynnal cydbwysedd rhwng bywyd a gwaith wrth weithio gartref. Nid yw’n syndod felly bod mwy na dwy o bob tair menyw (67%) yn teimlo y byddai hyblygrwydd llwyr o ran eu horiau gwaith yn eu gwneud yn fwy cynhyrchiol. Gallai cyflwyno oriau gwaith hyblyg felly alluogi menywod i wella eu cydbwysedd rhwng bywyd a gwaith ac osgoi gorflinder yn gysylltiedig â gwaith.
Amlygodd canfyddiadau Aviva hefyd wahaniaeth sylweddol rhwng hoffterau gwahanol genedlaethau yn y gweithle yn dilyn pandemig Covid-19. Mae’r astudiaeth yn nodi bod oedolion yng Nghenhedlaeth X (40-54 oed) bron ddwywaith yn fwy tebygol o ffafrio gweithio gartref amser llawn na’r rheiny yng Nghenhedlaeth Z (18-24 oed). Mae hyn yn debygol oherwydd bod y genhedlaeth iau yn rhoi blaenoriaeth i'r agwedd gymdeithasol o fod yn y swyddfa a hefyd yn fwy tebygol o fod angen goruchwyliaeth a hyfforddiant agos. Mewn cymhariaeth, mae cenedlaethau hŷn yn debygol o fod yn fwy profiadol yn eu rolau ac felly’n fwy cyfforddus yn gweithio gartref.
Fodd bynnag, mae’r astudiaeth hefyd yn nodi bod y cenedlaethau iau, gan gynnwys Generation Z a Generation Y (25 – 39 oed) yn awyddus i wthio am batrymau gwaith hybrid wrth symud ymlaen. Mae hyn yn debygol oherwydd y ffaith bod y cenedlaethau iau yn blaenoriaethu iechyd meddwl a chydbwysedd bywyd a gwaith ac mae patrymau gwaith hybrid yn caniatáu iddynt sicrhau bod eu gwaith yn cyd-fynd â gweddill eu bywyd.
Dyma'r ffactorau allweddol y mae angen i chi eu hystyried wrth weithredu model gweithio hybrid:
Creu polisïau a gweithdrefnau clir ar gyfer gweithio hybrid.
Ystyried goblygiadau cyfreithiol a chytundebol gweithio hybrid.
Blaenoriaethu cyfathrebu effeithiol gyda gweithwyr i osgoi llif gwybodaeth gwael a gwahardd aelodau tîm nad ydynt yn y swyddfa.
Sicrhau bod gan weithwyr y dechnoleg i'w galluogi i weithio gartref yn effeithiol.
Darparu hyfforddiant i weithwyr ar ofalu am eu lles tra’n gweithio mewn ffordd hybrid i atal unigedd a gorflinder cysylltiedig â gwaith.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
