02920 829 100 
Pam Mae Cymaint o Weithwyr yn Ymddiswyddo a Beth Allwch Chi Ei Wneud Amdano
Tachwedd 26
Gan Fflur Jones
Pam fod cymaint o weithwyr yn ystyried ymddiswyddo o'u rolau presennol?
Mae’r cynnydd sylweddol yn nifer y gweithwyr sy’n ystyried ymddiswyddo o’u rolau presennol wedi’i alw’n ‘Yr Ymddiswyddiad Mawr’, ac mae’n cael ei briodoli i’r nifer uwch na’r arfer o swyddi gwag sydd ar gael ar hyn o bryd.
Gan fod y farchnad lafur yn parhau i fod yn fywiog, dim ond 16% o'r rhai a holwyd a ddywedodd eu bod yn poeni am ddod o hyd i swydd arall, tra bod 69% yn teimlo'n hyderus ynghylch symud i rôl newydd o fewn yr ychydig fisoedd nesaf.
Gall ffactor arall sy'n cyfrannu at y cynnydd yn nifer y gweithwyr sy'n chwilio am rolau newydd hefyd fod yn gysylltiedig â gorflinder, sydd wedi achosi i lawer o weithwyr ddod yn anfodlon â'u rolau. Gall hyn fod oherwydd y cynnydd mewn gweithio gartref yn ystod y pandemig, gan fod llawer o weithwyr wedi canfod bod y ffiniau rhwng eu bywyd cartref a gwaith wedi mynd yn niwlog.
Fodd bynnag, efallai bod y cynnydd yn nifer y gweithwyr sy’n ystyried ymddiswyddo o’u rolau presennol hefyd oherwydd y ffaith bod y pandemig wedi rhoi’r cyfle iddynt fyfyrio ar eu bywydau ac ail-werthuso eu blaenoriaethau a’u nodau gyrfa.
Pa ddiwydiannau sydd fwyaf tebygol o gael eu heffeithio gan Yr Ymddiswyddiad Mawr?
Canfuwyd mai gweithwyr yn y diwydiannau canlynol oedd y mwyaf hyderus o ddod o hyd i rolau newydd pe baent yn cyflwyno eu llythyrau ymddiswyddiad:
Adeiladu;
Tech;
Logisteg;
Gweithgynhyrchu.
Beth all cyflogwyr ei wneud i ddenu a chadw staff?
Yng ngoleuni'r ofnau a ddaeth yn sgil 'The Great Resignation', mae llawer o gyflogwyr wedi cymryd camau eithafol i ddenu a chadw gweithwyr dawnus, gyda chymhellion ariannol a bonysau'n cael eu cynnig weithiau. Fodd bynnag, mae cyflogwyr eraill yn cynnig cymhellion anariannol, megis gwaith hybrid neu waith cartref, oriau gwaith ystwyth, neu fanteision eraill (fel gorffen yn gynnar ar ddiwrnod penodol o'r wythnos).
Fodd bynnag, mae angen ystyried pob un o'r newidiadau posibl hyn yn briodol o safbwynt cytundebol. Er enghraifft, gyda threfniadau hybrid parhaol neu drefniadau gweithio gartref, dylai cyflogwyr roi sylw gofalus i'r angen i ddiwygio contractau a pholisïau i adlewyrchu ystyriaethau diogelu data, cyfrinachedd ac yswiriant. Mae angen cynllunio newidiadau o'r fath a'u rhoi ar waith yn gywir.
Os ydych yn gyflogwr a hoffech drafod pa newidiadau y dylech fod yn eu gwneud i’ch contractau cyflogaeth a’ch polisïau ar ôl y pandemig, cysylltwch â Fflur Jones ar FJones@darwingray.com / 02920829117 am alwad gychwynnol am ddim i drafod ymhellach.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
