02920 829 100 
Mae gan dros hanner y busnesau bach a chanolig yng ngwledydd Prydain anfonebau sydd heb eu talu o flwyddyn dreth 2022/23
Tachwedd 14
Gan Patrick Murphy
Effaith anfonebau hwyr
Mae llif arian cyson yn hanfodol i redeg unrhyw fusnes, a gall anfonebau hwyr fod â goblygiadau enfawr i fusnesau bach a chanolig, gan orfodi toriadau ar wariant a staff, lleihau maint eiddo, a rhewi codiadau cyflog arfaethedig, ac eto mae’n ymddangos bod anfonebau heb eu talu yn broblem sy’n cynyddu o flwyddyn i flwyddyn i lawer o fusnesau.
Mae llawer o fusnesau bach a chanolig yn adrodd nad oes ganddyn nhw’r amser na’r adnoddau i fynd ar ôl anfonebau hwyr yn ystyrlon, ac felly ar wahân i anfon ychydig o negeseuon atgoffa, does dim dewis ond aros i weld a ydyn nhw’n cael eu talu. Mae hyn, yn ei dro, yn arwain at golli cannoedd, weithiau miloedd o bunnoedd ar y tro, arian a allai – drwy weithredu’n gyflym ac yn bendant – fod wedi’i adennill, gyda llog!
Beth allwch chi ei wneud?
Os yw hyn yn broblem sydd gan eich cwmni chi, gadewch i ni eich helpu i adennill yr arian sy’n ddyledus i chi. Gyda hanes o drafod, cyfryngu, ac os oes angen, ymgyfreitha, rydyn ni’n gweithio'n ddiflino i helpu ein cleientiaid i adennill dyledion sydd heb eu talu ac yn cadw cydberthnasau busnes. Mae ein hymagwedd yn gadarn ac yn strategol, gan sicrhau datrysiad cyflym gan ddiogelu eich enw da. Nid yn unig y byddwn yn mynd ar ôl yr anfonebau sydd heb eu talu ar eich rhan, byddwn hefyd yn arfer eich hawl statudol i fynnu llog ac iawndal ar yr arian sy'n ddyledus.
Rydyn ni wedi ymrwymo i gyfathrebu tryloyw ac mae ganddon ni ddealltwriaeth ddofn o'r cymhlethdodau cyfreithiol ac ymarferol sy'n ymwneud ag adennill dyledion gydag arbenigedd, gan rymuso ein cleientiaid i adennill rheolaeth ar eu mantolen. Darllenwch ein canllaw i fusnesau ar reoli dyledion gwael.
O’r ymgynghoriad cychwynnol i’r datrysiad llwyddiannus terfynol, rydyn ni’n cynnig arweiniad clir a chefnogaeth ddiwyro drwy gydol y broses. Cysylltwch â ni heddiw i sicrhau dull dibynadwy a phroffesiynol o adennill dyledion, sy'n eich galluogi i ganolbwyntio ar eich busnes wrth i ni ddelio â chymhlethdodau cyfreithiol casglu dyledion. I ddysgu rhagor am ein gwasanaethau neu'r broses adennill dyledion, ewch i'n gwefan neu Cysylltwch â ag un o'n harbenigwyr.
I siarad ag un o'n harbenigwyr heddiw, cysylltwch â ni ar 02920 829 100 neu drwy ddefnyddio ein ffurflen Cysylltwch â Ni am sgwrs gychwynnol am ddim i weld sut gallwn ni helpu.
