Ramyar Hassan

Mae Ram yn Gymrawd profiadol yn ein tîm cyflogaeth uchel ei barch. Mae ganddo dros bedair blynedd o brofiad mewn cyfraith cyflogaeth a chyfoeth o arbenigedd mewn ymdrin â hawliadau tribiwnlys cyflogaeth a materion cyfraith cyflogaeth, gan gynghori cyflogwyr a gweithwyr ar draws y sector preifat, y sector cyhoeddus a’r trydydd sector.

Mae Ram yn hyddysg ym mhob maes o gyfraith cyflogaeth, gan gynnwys diswyddo annheg, gwahaniaethu, TUPE, dileu swydd, a chyfamodau cyfyngu. Mae wedi rhoi cyngor ar ystod o faterion cyfraith cyflogaeth dadleuol ac annadleuol, o gytundebau setlo cyfeillgar i ymgyfreitha tribiwnlysoedd cymhleth ac ymadawiadau uwch swyddogion gweithredol. Mae gan Ram wybodaeth dechnegol ardderchog ac mae'n ymdrechu i gynnig cyngor gwrthrychol, masnachol ac ymarferol i gleientiaid mewn iaith glir a syml.

Mae wedi cynrychioli cleientiaid yn llwyddiannus mewn achosion tribiwnlys cyflogaeth, gan gyflawni canlyniadau ffafriol, masnachol fanteisiol mewn ystod o anghydfodau. Mae gallu Ram i lywio materion cyfreithiol cymhleth a darparu atebion wedi'u teilwra wedi bod yn allweddol wrth ddatrys anghydfodau yn effeithlon ac yn effeithiol.

Yn ogystal â’i waith achos, mae Ram wedi cyflwyno sesiynau hyfforddi ac wedi ysgrifennu erthyglau arbenigol ar ddatblygiadau mewn cyfraith cyflogaeth a’u heffaith ar gleientiaid, yn ogystal â datblygiadau masnachol mewn meysydd fel Deallusrwydd Artiffisial.

Mae Ram yn aelod ymroddedig o Gymdeithas y Cyfreithwyr Cyflogaeth ac yn gwasanaethu ar is-bwyllgor symudedd cymdeithasol Cymdeithas y Cyfreithwyr Dosbarth Caerdydd. Mae Ram yn angerddol am waith pro-bono ac mae’n gwirfoddoli’n rheolaidd mewn clinigau cyfreithiol lleol, gan ddarparu cymorth cyfreithiol y mae mawr ei angen i’r rhai na fyddent o bosibl yn gallu cael gafael arno fel arall.

Yn ei amser hamdden, mae Ram yn mwynhau cadw'n heini. Pan fo'r tywydd yn llai ffafriol, mae'n manteisio ar y cyfle i fwynhau ei gariad at ddarllen, gan ymgolli'n aml mewn llyfr da (ac weithiau llyfr gwael iawn).